Emisioni ‘Opinion’ ka si temë të mbrëmjes besnikërinë dhe tundimin në çift. Një nga të ftuarit në lidhje me temën në fjalë, shkrimtari Albatros Rexhaj tha se ne jemi qenie e fantazisë, ndërsa theksoi se meshkujt në raport me femrat fantazojnë më shumë.
“Meshkujt kanë më shumë fantazi se femrat, ndoshta pasi meshkujt fantazojnë bardhë e zi dhe jo me ngjyra si femrat, por ne jemi qeni të fantazisë, që të vegjël edukohemi dhe rritemi si qenie të fantazisë, bisedat që kemi me shokët rreth fantazive tona”.
Rexhaj tha se unë nuk mund të kontrolloj të pavetëdishmen, ëndrrën, mbi atë nuk kam asnjë lloj kontrolli, pasi është diçka e pavetëdishme. Sipas tij, njeriu nuk mund ti thotë vetës mos fantazo.
Ndërsa, pastor Ylli Ndroçi bëri me dije se ne nuk mund ti ndalojmë zogjt të mos fluturojnë mbi kokën tonë. Ndroçi tha ne mund ti ndalojmë ata të ulen mbi kokën tonë, por për të fluturur, s’kemi çfarë të bëjmë.
Fevziu: Po kë quan ulje pastro?
Doçi: Ulje quaj atë që ti e përtyp, atë që ti rrin dhe e mendon, pra që ti rrin e shqyrton. Atë që ti e ruan, e kujton.
Për profesor Edmond Tupen të ndash anën estetike nga epshi është shumë e vështirë. Mirëpo, sipas tij, të ndash shpirtin nga turpin është e pamundur. Feja e ka ndarë një gjë të tillë, pikërisht këtu fillon mëkati i parë i fesë.
Kurse për pastorin Ylli Ndroçi mëkati në trup ka pasojë psikofizike për gjithë qënien. Për të akti seksual është një shpërthim i brendshëm me pasoja të rënda të ndjeshme psikike.
Në lidhje me këtë vij të debatit, profesor Gëzim Tushi bëri me dije se biseksualitetin duhet ta nxjerrim nga sfera e mëkatit dhe ta fusim në terrenin e humanitetit dhe të vërtetës së saj.
Tushi theksoi se në shoqërinë shqiptare, sot, kanë filluar të ligjerojnë mbi seksualitetin, madje të flasin për të, pa frikë, pa droje.
“Ne kemi qenë me gjuhë të prerë për të folur për një gjë të tillë. Seksualitetin nuk duhet ta shikojmë në hipokrizinë morale që ka pasur shoqëria jonë. Sepse, seksualiteti dhe realizimi i dëshirave seksuale është një element shumë i rëndësishëm tek njeriu”, tha ai.
Shiko videon:
