Gazetari Armand Shkullaku dhe analisti Lorenc Vangjeli duke folur në studion e “Opinion” thanë se PD është terhequr nga Qeveria teknike dhe ka pranuar të votojë Vetingun pa asnjë kush. Sipas tyre, PD ka kërkuar shtyrjen e datës së zgjedhjeve dhe lëvizjen e disa ministrave në qeveri. Mësohet se tashmë Rama nuk ka pranuar të shtyjë datën e zgjedhjeve edhe pse negociatorët, përfshirë edhe të huajt kanë propozuar që zgjedhjet të mbahen më 16 korrik.
Në fund Shkullaku dhe Vangjeli besojnë se deri të enjten do të ketë një zgjidhje dhe do të dalë tym i bardhë nga negociatat.
Pjesë nga emisioni
Shkullaku: Rama fatkeqësisht nuk e do PD në zgjedhje. Vetë listat e kanë treguar këtë, ai e ka renditur Ruçin të 9 në listëne Fierit, pra duke menduar s’do ketë asnjë humbje.
Vangjeli: Të hyjë apo jo në zgjedhje? Kjo është dilemë e madhe për Ramën. Si kryeministër do dëshironte por si kryetar i PS-së, jo. Pra njeriu që drejton vendin është i dyzuar.
