Drejtuesi i emisionit “Stop” Saimir Kodra deklaron në studion e emisionit “Opinion” se ka qënë qytetari ai që ka denoncuar dhe filmuar momentin kur Oficeri i Policisë Gjyqësore Fatos Lusha kërkonte para për mbylljen e një çështje në hetim në ngarkim të prokurorit Ardian Braho, duke marrë si shpërblim 18 mijë euro.
Kodra foli edhe për mbërritjen e oficerëve të policisë gjyqësore në Tv Klan për të sekuestruar pamjet filmike, duke shtuar se stafi i emisionit nuk ka asgjë për të fshehur.
“Jemi të detyruar në bazë të ligjit tu japim pamjet. Ia japim të gjitha bruto. Nuk ka asgjë për tu fshehur. Është qytetar ai që e filmoi dhe që e denoncoi të gjithë fenomenin. Ka qënë 20.000 euro ryshfeti por i kanë bërë skonto, ia lanë 18. Ishte qytetari ai që na kontaktoi përmes telefonin pa kryer ende përgjimin”-tha Kodra.
