Sekretari i Shoqatës së Ricikluesve Reshat Mansaku deklaroi në studion e “Opinion” se deri në vitin 2013 është folur për ndalim të plehrave bashkë me lëndët e para për industrinë e riciklimit. Ndërsa sot sipas tij, bëhet fjalë vetëm për import të lëndëve të para për industrinë e riciklimit, jo për plehra.
Mansaku deklaron se shoqata e rickluesve ishte dhe është kundër importit të plehrave, por sot nuk bëhet fjalë për to.
“Deri më sot është folur për plehra. Nëse do flasim për plehra ne jemi kot këtu.Sot po flasim për lëndë të para për industrinë e riciklimit. Mbetjet e ricklimit kuotohen nëpër bursa, për sa i përket plehrave, të parët ne jemi kundër. Në 2013 u ndaluan plehrat dhe lëndët e para për industrinë”-tha Mansaku.
