Është e pamundur që çdo histori dashurie të jetë e dokumentuar, megjithatë një pjesë e mirë e dashurive të Mit’hat Frashërit janë të njohura.
Ai është përmendur shpesh në faqet e shtypit për historitë e tij të dashurisë, të cilat janë të shumta dhe që e bëjnë Mit’hat Frashërin, një prej personazheve më të veçantë të kohës kur jetoi. Edhe pse i pamartuar kurrë, në jetën e tij kanë qenë të shumta gratë që kanë hyrë e kanë dalë, duke lënë pas edhe gjurmë, të cilat i ndeshim sot në një mënyrë a tjetër.
Këtë herë po sjellim për lexuesin, pjesë nga letërkëmbimi i Mit’hat Frashërit me një grua të panjohur Mund të aludojmë se kjo grua ka qenë një prej të dashurave të Frashërit, ose, të paktën, një njeri shumë i afërt, e cila i shkruante atij në mënyrë intime.
