Në një lidhje direkte për emisionin Opinion, studentia që i hodhi salcë nga koka minstres së Arsimit Lindita Nikolli, Mirela Ruko është shprehur se ky sulm ishte palanifikuar prej kohësh.
“E kemi organizuar, e kemi pritur dhe dhe ky ka qënë një aksion i mirëorganizuar. Bashkë me mua kanë qënë edhe persona të tjerë, studentë të cilët kanë qënë të gatëshëm të bënin të njëjtin akt”, është shprehur Mirela Ruko, shkruan opinion.al.
Më tej ajo ka rrëfyer edhe problemin e saj lidhur me tarifën për master. “Unë jam në vitin e dytë për master, por nuk kam paguar këstin e dytë të masterit dhe për këtë arsye nuk më lejohet që të hyj në provime dhe të jap temën e diplomës”, ka thën Ruko.
Pasi Ruko është shprehur këshu, ka ndërhyrë Henri Çili i cili është po ashtu i ftuar në panelin e emisionit Opinion duke i bërë Rukos një pyetje, ja debati mes tyre:
Çili: Ti Mirela pse s’punon? Do të na marrësh më shumë taksa për shkollën tënde?
Mirela Ruko: Henri Çili pse trëmbesh nga studentët të cilët kanë 5, kur në Universitetin tënd ke pranuar me mijëra studentë të cilët kanë 5?
Çili: Mirela, thuaje hapur, që po ju kërkon shqiptarëve për të siguruar shkollën ty. Ti je një studente e dobët./opinion.al
