Në emisionin e sotëm “Stop” në “Klan TV” është shfaqur një investigim me kamerë të fshehtë të prokurorit të Tiranës Ardian Braho, i cili është filmuar duke marrë ryshfet për të zhbllokuar paratë e ligjshme të një qytetari.
Në emisionin ‘Opinion’, i ftuari Çlirim Gjata theksoi se sasia e parave të transferuara nëpërmjet bankave nuk përbëjnë më dyshim në vetevete.
Gjata tha se në lidhje me këtë pikë, së pari; duhet një indicie, një e dhënë që vërteton se ato para nuk kanë një burim të justifikuar.
“Sasia e parave nuk përbën dyshim në vetvete, jemi shoqëri e lirë është kapitalizëm. Fakti që po i sjell nëpërmjet bankës nuk është më dyshim në vetvete, duhet një indicie, duhet një e dhënë. Ky është një mentalitet i kohës së komunizmit, pra që thotë provo që je i pafajshëm. Në fakt duhet të jesh ti që të provosh nëse unë jam i pafajshëm. Duhet që me anë të dokumentacionit të vet, në fillim të kësaj çështje, duhet të dëshmojë nëse ai është i fajshëm apo jo”, tha Çlirim Gjata.
Shiko videon:
