Gazetari i ABC News, Ferdinand Dervishi bëri me dije në emision ‘Opinion’ se të gjithë e kujtojmë rastin se, si banorët e Kakomesë në Komunën e Lukovës shpërthyen në kryengritje, duke e penguar seriozisht investimin që kompania e njohur franceze “Club-MED” planifikoi për ndërtimin një resorti turistik luksoz.
“Në themel ishte konflikti për pronat ku shteti e thelloi edhe më tej, duke mos njohur pronat e banorëve dhe duke i trajtuar ato si pronë shtetërore. Ndërkohë që francezët e “Club MED” braktisën synimet në Shqipëri, konflikti i pronësisë për tokat e Kakomesë vijon të jetë një çështje ende pasqaruar në gjykata.“, tha ai.
Dervishi theksoi se në lidhje me konfliktin e Kakomes me çështjen e pronësisë së tokës, ai tha se rreth dyqind banorë, referuar disa dokumentave të Perandorisë Osmane, më saktë atyre u është marrë toka nga Perandoria, por dikur janë mbledhur kanë bërë lekët dhe e kanë riblerë tokën nga Perandoria Osmane.
Sipas tij, Gjykata shqiptare, thotë se Perandoria Osmane nuk mund t’u shesë tokën shqiptare.
“Mirëpo atëherë kjo Perandori ishte ajo që vendoste, në vazhdën e këtij ngërçi del një problem shumë i madh”, tha Dervishi.
Shiko videon:
