Bedri Mihaj, deputet i PD për zonën e Ballshit ku edhe ndodhi shpërthimi në uzinën e përpunimit të naftës, deklaron se punëtorët e kësaj uzine punojnë në kushte të vështira dhe me kontrata pune pa siguracion jete.
Sipas tij, punëtorët kanë pranuar të punojnë në këto kushte për shkak të nevojës për mbijetesë, me kontrata tre mujore në të cilat nuk përfshihet siguracioni i jetesës.
Mihaj tha se shkaku kryesor i shpërthimit është defekti që ka patur valvula, defekt që ka ndodhur pesë ditë para shpërthimit, ndaj të cilit nuk ka patur sipas deputetit, asnjë reagim.
Bedri Mihaj:
Punonjësit dhe familjarët më kanë thënë se “ne pranojmë të punojmë edhe në kushte të vështira, vetëm që të futemi në punë. Nuk dihet e ardhmja jonë”.
E kemi ngritur disa herë në parlament problemin e uzinës, qeveria aktuale duhet të ngrinte zgjidhjen. U gjet zgjidhja me vonesë, pa nj plan strategjik, e cila filloi me një tragjedi.
Shkova në spital dhe pashë të djegurit. Kryesore është defekti që ka patur valvula, pesë ditë para. Por asnjë reagim nuk ishte dhënë. Në momentin që valvula është mbyllur për të shkuar 15, ka ndodhur shpërthimi. Këto i thonë punëtorët.
Unë di të them që po të lexoni kontratat e punës që janë bërë për këta punëtore, janë bërë tre mujore. Po gjete një rresht që të flitet për sigurinë e jetës, shëndetësore hajde flasim. Kontratë shkel e shko, pa siguri jete.
Po ju them edhe faktin që kjo uzinë, që në datën 11 Shkurt 2015, një vit e ca rresht, i ikin dritat.
