Gazetari Berat Buzhala, sonte, në studion e emisionit “Opinion” ka deklaruar se qëndrimi i kreut të LSI-së, mbrëmjen e sotme, nuk pritej të ishte ndryshe, pasi mund të quhej një vetëvrasje e panevojshme e Ilir Metës.
Buzhala tha se Meta ka lënë gjithmonë të nënkuptuar idenë se nuk do të hyjë në zgjedhje pa opozitën.
Sipas tij, indikacionet e kreu të LSI-së kanë qenë të qarta dhe nuk kishte se si Meta të kthehej pas nga ato ide që ka trumpetuar kohë më parë.
“Ai ka thënë se nuk del në zgjedhje pa opozitën dhe mirë ka thënë se nuk del në zgjedhje pa opozitën. Tani, kryeministri Rama nuk mundet të improvizojë më. Ai nuk mundet t’i drejtohet vetëm Bashës, tani ai duhet të zgjidhë problemet me partnerin qeverisës. Ato pesë pikat që dolën më sipër, katër prej tyre i dedikohen Ramës”, tha Buzhala.
