Emisioni Opinion në TV Klan ka si temë të mbrëmjes video-skandalin e transmetuar nga emisioni investigativ ‘STOP’ në lidhje me ryshfetin e Prokurorit të Tiranës, Ardian Braho.
E ftuar në studio, gazetarja Arnita Braha tha rreth këtij skandali se bankat e nivelit të dytë, janë ato që bëjnë një hetim paraprak.
Sipas saj, ky hetim rrjedh nëpërmjet tre hallkave.
“Zakonisht këto raste kanë një investigim që niset nëpërmjet tre hallkash. Hallka e parë është sistemi bankar. Bankat e nivelit të dytë kanë të drejtë të investigojnë dhe të mbanë pezull, nëse shuma të konsiderueshme kanë justifikimin e duhur të transfertës, pra është një kontratë, është një akt shit-blerje. Pra është vetë sistemi bankar që bën investigimin e tij. Më pas nëse banka nuk përfundon pozitivisht vlerësimin apo investigimin që bën, pra nuk gjen arsye për të kuptuar këtë transfertë bankare, ia kalon asaj që quhet drejtorisë e cila merret me pastrimin e parave”, tha Braha.
Shiko videon:
