Kryetari i PD-së, Lulzim Basha është ndalur në emisionin Opinion, ndër të tjerave, edhe në kauzat politike që ka ngritur gjatë vitit.
Gazetari Robert Rakipllari i ka kujtuar Bashës se mbështetja e protestuesve që kundërshtojnë ligjin e plehrave është një politikë e majtë.
Sipas kreut të opozitës, çështja nuk shtrohet nëse është një kauzë e majtë apo e djathtë, pasi që të dëgjosh zërin e popullit dhe problemet e tyre, për Partinë Demokratike, është gjithmonë një kauzë e djathtë.
Rakipllari: Kur Edi Rama thotë do bëj një sistem shëndetësor falas, ju thoni nuk bëhet falas, kur thotë do bëj një sistem arsimor me pagesë, ju thoni është gabim. Kë duhet të besojmë tani?
Basha deklaroi se kauzat e PD-së, janë kauza të fituara, nëqoftë se ka tre kauza që sot shqiptarët i kanë të fituara ligjërisht, disa prej tyre dhe potencial të madh për t’u zbatuar nesër me një qeveri që zbaton ligjin, janë: dekriminalizim, reforma në drejtësi dhe zgjedhjet e lira dhe të ndershme.
Shiko videon:
