Ajo që është artikuluar nga opozita disa herë, se Damian Gjiknuri ka dalë në përgjimet e prokurorisë për shit-blerjen e votës në zonën e Dibrës u përmend edhe në mbrëmjen e sotme në emisionin “Opinion”. Duhet thënë se deri më sot nuk ka një dokument që është bërë publik mbi përfshirjen e Gjiknurit dhe vetë gazetarja Lala, nuk e pohoi por tha se “personat e përfshirë janë persona me pushtet si deputet apo ish-ministra”.
Sakaq, gazetari dhe drejtuesi i Opinion, Blendi Fevziu e pyeti drejpërdrejt Alfred Pezën, i ftuar në këtë panel, nëse është përfshirë Gjiknuri në shit-blerjen e votave në Dibër.
Peza nuk pranoi të japë një përgjigje të qartë për këtë çështje, duke thënë se “nuk komentoj gjëra për të cilat nuk kam informacion dhe mund të jenë fantazi”.
