Historia e dhunimit me armë dhe vjedhjes që i bënë notarit amerikan Ryan Lochte dhe kolegëve të tij në një taksi në Rio de Zhaneiro pak ditë më parë, është kthyer në një telenovelë. Një gjykatës në Rio de Zhaneiro, Keyla Blank, i njohur për pjesëmarrjen e tij në një emision televiziv, ka lëshuar sot një urdhër-arresti në adresë të 4 notarëve amerikane. Sipas gjykatësit, Lochte me shokë kanë gënjyer dhe e bazon këtë deklaratë pasi ka parë pamjet filmike të kamerave që janë vendosur në hyrje të Fshatit Olimpik.
Notarët deklaruan se janë vjedhur teksa ktheheshin më taksi në Fshatin Olimpik pas një feste ditën e dielë, gjë të cilën ata e konfirmuan edhe para policisë. Ata kanë deklaruar se kanë ardhur në Fshat rreth orës 4, por pamjet filmike tregojnë se ata kanë mbërritur në orën 7 dhe ishin në gjendje të dehur. Jo vetëm kaq, por ata depozitojnë në koshat që vendosen para dyerve të sigurisë çelësat, portofolë, celularë, karta e identitetit apo objekte të tjera. Një video që ka kryqëzuar notarët, ndaj të cilëve ka ardhur një urdhër për t’u paraqitur në komisariat. Por Lochte dhe James Feingen janë larguar për Amerikë, ndërkohë që policia ka marrë pasaportat e notarëve të tjerë të përfshirë në këtë çështje, Gunnar Bentz e Jack Conger.
