Pesë nga sportistet e delegacionit olimpik gjerman kanë pozuar nudo për revistën e famshme “Playboy”. Katharina Bauer (atlete e kërcimit me shkop), Isabelle Harle (notare), Julia Lier (sportiste e kanotazhit), Pterissa Solja (pingpongiste) dhe Nadja Pries (çikliste e garave me “mountain bike”) kanë pozuar nudo dhe disa foto janë bërë publike nga e përditshmja spanjolle “AS”.
Revista pritet të dalë në qarkullim pas përfundimit të Olimpiadës, ndërkohë që të 5 sportistet gjermane garojnë në Lojërat Olimpike “Rio 2016” në disiplinat përkatëse. Gazeta spanjolle “AS” ka publikuar edhe një video, me pamje të marra gjatë setit të bërjes së fotografive.
