Një burrë u arrestua në Buenos Aires pasi i drejtoi armën Zëvendës Presidentes Cristina Kirchner ndërsa ajo doli nga makina para shtëpisë së saj.
Disa kanale televizive transmetuan një imazh të një personi që synonte kokën e Kirchner-it teksa ajo zbriste nga makina që e kishte çuar në shtëpinë e saj në lagjen Recoleta të Buenos Aires.
“Tashmë situata duhet të analizohet nga stafi ynë mjeko-ligjor për të analizuar gjurmët e gishtave dhe aftësinë dhe disponimin që ka pasur ky person”, tha ministri i Sigurisë Anibal Fernandez.
Burri, i cili nuk qëlloi, iu afrua Kirchner në turmën e pritjes për ta përshëndetur dhe për t’i kërkuar një autograf në autobiografinë e saj.
Qindra aktivistë ishin mbledhur që nga java e kaluar para shtëpisë së Cristina Kirchner, 69 vjeçe, e akuzuar për mashtrim dhe korrupsion në lidhje me dhënien e kontratave publike në bastionin e saj në Santa Cruz (jug), gjatë dy mandateve të saj presidenciale (2007 -2015). ). Prokuroria kërkoi dënim me 12 vite burg dhe ndalim të përjetshëm nga detyra publike./Opinion.al
View this post on Instagram
