Kryeministri Edi Rama deklaroi mbrëmjen e djeshme në Opinion se nuk mund të lexojë biblën në këtë periudhë se është në muajin e shenjtë të Ramazanit.
Pastori Akil Pano i kërkoi Kryeministri të lexojë një fragment se çfarë thotë Bibla për të pasurit, por Rama u përgjigj se nuk e lexon Biblën: “Unë jo, jam në muajin e Ramazanit dhe do e respektoj deri në fund”.
Pastori ia ktheu se të krishterët nuk mbajnë Ramazanin, duke iu referuar këtu deklarimeve që Rama ka bërë më herët lidhur me përkatësinë e tij fetare. Sakaq, librin e shenjë e merr dhe e lexon Fevziu.
Por duke gjurmuar në të shkuarën (jo të largët) të kryeministrit duket se ai e ka ndryshuar fenë disa herë sipas interesave të momentit.
Kujtojmë se vetëm pak ditë më parë ai u shtrua në një tryezë me gjithë të mirat dhe gotën e verës përpara teksa ndodhej për vizitë në Belsh. Pamjet e drekës u transmetuan mesditën e së shtunës në ERTV, ku kryeministrin shkruan në facebook: “Belsh- Në Food Butique “Zejtaria” me fermerë dhe sipërmarrës në agroturizëm e agropërpunim….”
Të gjithë myslimanët e dinë se kush është me Ramazan agjëron, pra ka dy vakte në ditë syfyrin dhe iftarin.
Më tej nëse kërkojmë mbi besimin e Ramës do të gjejmë intervistën që ka dhënë për gazetën italiane “L’Esspreso”, ku është shprehur: “Unë jam katolik, djali nga martesa ime e parë është ortodoks, gruaja ime aktuale është myslimane, djali ynë i vogël do të vendosë të bëhet budist”.
Në dy videot që shoqërojnë shkrimin:
Dreka e Ramës me sipërmarrës në Belsh në muajin e shenjtë të Ramazanit dhe deklarata në emisionin Opinion.
/R.D/ Opinion.al
