Rezidenca Galloway ishte e vendosur në qytetin amerikan të Easton, në Maryland prej më shumë se 250 vjetësh. Por, pronari i shtëpisë ishte i pakënaqur me pamjen që ofronte, ndaj në vend që të ndërronte shtëpi, vendosi të zhvendoste rezidencën që trashëgonte nga familja.
Shtëpia e ndërtuar në shekullin e 18 u zhvendos për rreth gjashtë milje në qytet dhe më pas për rreth 50 milje me anije drejt Queenstownit fqinj në një udhëtim të jashtëzakonshëm, i cili po bën xhiron e mediave dhe rrjeteve sociale.
“Për mua dhe familjen time është e rëndësishme të jetojmë në këtë shtëpi, por jo me këtë pamje. Mendimi na erdhi natyrshëm, pastaj u konsultuam me agjenci të ndryshme. Disa na quajnë të çmendur, por mua nuk më intereson. Dua të zgjohem me një pamje të bukur.”, tha pronari i shtëpisë.
Kostoja e transportit shkoi deri në 800,000 paund por familja vendosi ta paguajë pa e menduar dy herë sapo morën garanci që shtëpia tre katëshe nuk do të dëmtohej./Opinion.al
