Një ngjarje e rëndë ka ndodhur të premten rreth orës 4 të pasdites në Paterson të shtetit amerikan të Nju Xhersit, ndërsa një patrullë policie ka qëlluar për vdekje në mes të rrugës një qytetar.
Viktima është identifikuar si 42-vjeçari Luan Agolli, i cili deri tani dyshohet se vuante nga depresioni. Ai ishte këshilltar financiar me profesion.
Skena është filmuar nga ballkonet apo dëshmitarët dhe tashmë video me pamjet e rënda qarkullon në rrjet.
(KLIKO KËTU PËR TË PARË VIDEON)
Sikurse shkruajnë mediat lokale amerikane: “Të enjten në Carroll Street ndodhi një ngjarje e rëndë e regjistruar edhe nga video të ndryshme, që tregon Agollin duke kaluar rrugën i nervozuar, ndërsa në dorë mban një armë. Oficerët e policisë e rrethojnë dhe i kërkojnë që ta hedhë armën. Pas një situate që shkon në rreth tre minuta, duket se Agolli ngre armën dhe e drejton tek një officer. Ai u qëllua nga një breshëri zjarri”.
Të katër oficerët e policisë, që raportohen se kanë hapur zjarr ndaj shqiptarit, ishin me përvojë në patrulla dhe kishin patur të tjera raste me persona të armatosur në të shkuarën.
Sipas zyrës së Prokurorit të Përgjithshëm të Nju Xhersit, që po merret me hetimin e çështjes, Agolli kishte injoruar disa herë thirrjet për të hedhur armën./Opinion.al
