Një qytezë në Uells të Mbretërisë së Bashkuar është zaptuar nga dhitë, teksa banorët janë mbyllur në shtëpi, për shkak të masave të marra për të frenuar koronavirusin.
Pamjet e tufave me dhi të egra që ecin lirshëm në rrugicat e Llandudnos, në bregdetin e Uellsit, po bëjnë xhiron e rrjete sociale.
Dhitë e racës “Kashmiri”, që u sollën para shumë vitesh nga Mbretëresha Viktoria, si dhuratë për rajonin shihen teksa bëjnë gosti me bimët që janë mbjellë për zbukurim.
Këto dhi të egra zakonisht jetojnë në shkëmbinjtë që rrethojnë qytetin, por ngaqë rrugët kanë qenë të qeta për shkak të kufizimeve, tani kanë zbritur edhe në mes të qytetit duke e kthyer në banesën e tyre.
Kujtojmë se një gjë e ngjashme ndodhi edhe në Venecia, ku në kanalet e famshme që përshkojnë qytetin, tani mund të vërehen peshq, mjellma dhe delfinë, që nuk mund të shihen në ujërat që janë zakonisht të errët e të turbullt./Opinion.al
