Janë mbledhur në Korçë pasditen e sotme dy qeveritë shqiptare të drejtuara nga kryeministri Edi Rama dhe ai i Kosovës Ramush Haradinaj. Në mbledhjen e përbashkët pritet të nënshkruhen 4 marrëveshje të përbashkëta, 2 prej të cilave për diasporën, ndërsa në përfundim do të ketë dhe një konferencë të përbashkët për shtyp të dy Kryeministrave.
Kjo është mbledhja e 4 mes dy qeverive dhe shënon nisjen zyrtare të vitit Mbarëkombëtar të Skënderbeut.
Ditën e martë dy kabinetet qeveritare do të zhvendosen në Vlorë ku përveç ceremonisë së ngritjes së flamurit në Ditën e Pavarësisë, do të marrin pjesë dhe në një aktivitet ku do të zbulohet dhe logo e vitit të Skënderbeut.
