Lindita Nikolla që drejtoi për 5 vite Ministrinë e Arsimit, tha se protesta e studenëve çoi Kryeministrin në një reflektim të thellë. Ajo në mënyrë të figurshme u shpreh se “gota i plasi në dorë” ndaj duhet të largohej. Por sipas saj, protesta e studenteve tregoi se mazhoranca qeverisëse kishte nevojë për energji të reja. Deklarata u bë në emisionin e Adi Krastës, “A Show” në News 24.
Nikolla: “Ishte një moment i fortë që le të themi gota plasi në dorën time dhe normal që unë duhet të largohesha, por arsyet e tjera për t’i dhënë një energji të re dhe një reflektimi të thellë, kryeministri por jo vetëm gjithë mazhoranca dhe qeverisja falë edhe protestës së studentëve ndodhi dhe u pa e arsyeshme që duhej një sinergji dhe një skuadër e re për të ecur përpara me programin e qeverisë”.
