Dëshira për të bërë një selfie të bukur i ka marrë jetën një 27-vjeçareje në qytetin e Panamasë. Sandra Manuela nënë e dy fëmijëve me origjinë nga Portugalia pasi ka dalë në ballkonin e ndërtesës “Luxor Tower” në katin e 27-të, ka hipur mbi parvazin e ballkonit për t’i bërë vetes një fotografi.
Por e gjitha rezultoi fatale pasi Sandra nuk arriti dot të mbajë ekuilibrin. Ajo ka rënë nga ndërtesa duke gjetur vdekjen e menjëhershme. Dëshmitarët janë shprehur se kanë parë trupin duke rënë nga lartësia dhe pamja ka qenë e tmerrshme. Sandra mendohet të kishte ardhur nga Portugalia për të punuar si mësuese në Panama.
Sipas një studimi në Indi 259 veta kanë gjetur vdekjen duke bërë një selfie vetëm në vitin 2017.
