Pamjet që shfaqen më poshtë tregojnë momentin e ekzekutimit të 55-vjeçarit Nazmi Bandula mëngjesin e së hënës në Shkodër. Në video transmetohet e gjithë skena e vrasjes, e cila është filmuar nga kamerat e sigurisë së një biznesi.
Sikurse vërehet një mjet ndalon para lokalit ku ishte ulur viktima dhe qëllon me armë. Në pamje dëgjohet edhe zhurma e armës, ndërkohë që pas të shtënave viktima rrëzohet përtokë. Skena e vrasjes është parë edhe nga disa dëshmitarë, që ndodheshin të pranishëm në vendin ku ndodhi krimi dhe janë tronditur nga skena e rëndë.
Mercedes-Benz është makina e përdorur nga atentatorët për të vrarë Nazmi Bandulën në Shkodër një ditë më parë. Mësohet se automjeti rezulton me targa të vjedhura.
Bandula ka qenë duke pirë kafe në lokalin pranë shtëpisë kur u ekzekutua. Ai u qëllua me 6 plumba dhe mbeti i vdekur. Ndërkohë autoritetet po vijojnë hetimet për kapjen e autorëve.
