Të paktën 14 fëmijë janë plagosur nga një sulm me thikë në një kopësht në Chongqing, në jug-perëndim të Kinës.
Policia thotë se një grua 39-vjeçare që mbante një thikë kuzhine hyri në një kopësht në lagjen Banan këtë të premte në mëngjes, teksa fëmijët po luanin në oborr. Arsyeja për sulmin është e paqartë, ndonëse disa raporte mbi mediat sociale thonë se gruaja kishte ankesa kundër qeverisë. Gruaja, mbiemri i të cilit është raportuar si Liu, u arrestua në vendin e ngjarjes.
Video që qarkullon në mediat sociale tregon fëmijët duke u nxjerrë nga ambjentet e kopështit, disa prej tyre me plagë në fytyrë.
Pamjet e tjera duket se tregojnë policinë duke e larguar sulmuesen nga vendngjarja. Policia mohoi që dy fëmijë kanë ndërruar jetë dhe kërkoi nga rrjetet sociale të mos kalojnë në thashetheme.
Krimi i dhunshëm është relativisht i rrallë në Kinë, porgjithsesi Kina është përballur me disa sulme me thika në shkolla dhe kopështe përgjatë viteve.
Sulmet kryhen zakonisht nga njerëz që kërkojnë hakmarrje kundër zyrtarëve ose individëve, ose nga njerëz që vuajnë nga probleme të shëndetit mendor.
Në prill, nëntë nxënës të shkollës së mesme vdiqën kur një 28-vjeçar i sulmoi ata ndërsa po udhëtonin për në shtëpi.
Ai pretendoi se ishte tallur në shkollë kur kishte qenë fëmijë. Ai u ekzekutua në shtator./Opinion.al
Burimi: BBC
