Je vonë për në punë? Një kompleks apartamentesh prej 19 katesh në Chongqing, një qytet me popullsi të dendur prej rreth 50 milion njerëzish në jugperëndim të Kinës, e ka zgjidhur këtë problem. Ju mund të dilni nga dera dhe të kapni trenin në mes të ndërtesës suaj. Po po, ashtu si e lexuat, treni kalon në mes të godinës, në katin e 7 dhe të 8.
Për shkak se qyteti është i mbushur me ndërtime, dhe ka një mungesë të madhe hapësire, planifikuesit e qytetit bënë një projekt që mishëron shfrytëzimin optimal të hapësirës.
Në vitin 2004 kur bashkia po ndërtonte një linjë të re hekurudhore, autoriteti i tranzitit u përball me një zgjedhje: të shembte kompleksin e banesave ose të gjente një zgjidhje të kënaqshme për të dy palët.
Përfundimisht u vendos që në vend që të shkojnë lart, poshtë, ose rreth apartamenteve, të futeshin përmes saj.
Dikush mund të supozojë se një veprim i tillë do të ulte çmimin e apartamenteve të godinës,por gaboheni. Sipas Oddity Central, ka ndodhur e kundërta . Njerëzit kanë kureshtje për të jetuar aty.
Fundja ne të gjithë duam një apartament i cili është pranë transportit publik. Për të udhëtuar në këtë tren, banorët thjesht duhet të dalin jashtë banesës së tyre dhe të hipin në stacionin Liziba, që ndodhet në katin e gjashtë të ndërtesës.
Për t’u kujdesur për zhurmën që vjen nga stacioni i trenave, arkitektët hekurudhor kanë ndërtuar një pajisje që zvogëlon zhurmën në vetëm 60 decibel kur treni kalon nëpër ndërtesë.
Në qytete ku gjetja e hapësirës për rrugët dhe linjat hekurudhore mund të jetë një sfidë e vërtetë, mënyra absolutisht e veçantë me të cilën është ndërtuar ky stacion shpëton banesat nga shkatërrimi./Opinion.al
Përshtati: Elida Marvataj
