Pagri, është një fshat i vogël malor në Përmet ku banorët jetojnë me blegtori dhe bujqësi. Pikërisht në këtë fshat (rajoni i Gjirokastrës) është gjetur sasia më e madhe e drogës e kapur në vend, plot 11.6 ton hashash.
Lënda narkotike ishte depozituar në ato që njihen me emrin magazinat e shtetit. Siç thonë banorët këto magazina përdoreheshin para viteve ’90 për depozimin e misrit të kooperativës. Ndërsa pas viteve ’90 thonë ata, nuk kanë patur pronar.
Por ish-magazinat e shtetit, në gjendje të braktisur janë përdorur nga trafikantët për të depozituar sasi të mëdha droge. Tonelat e drogës shkaktuan furtunë në policinë e Gjirokastrës dhe Përmetit me shkarkime policësh dhe masa disiplinore për drejtuesit. Sa u përket arrestimeve, aktualisht në burg mbahen dy banorë të fshatit, që sipas policisë kishin marrë me qira magazinat për të futur ushqim për bagëtitë. Po kështu në burg mbahet edhe kryeplaku. Nuk dihet ende se kush janë trafikantët e vertetë të gjithë kësaj droge.
Sakaq banorët druhen të flasin përpara kamerave. Ata thonë se nuk kanë patur dijeni se në magazina kishte drogë. Po kështu thonë se nuk kemi parë lëvizje të dyshimta. /Opnion.al
*Video “Jugunews”
