Pas një ndeshje të gjatë, të luajtur në transfertë dhe të përfunduar në barazim pa gola, gjëja e fundit që një ekip futbolli do të dëshironte, është një udhëtim i gjatë dhe drobitës, prej 2 orë e gjysëm, në një mjet aspak normal, deri në kthimin në shtëpi. Apo jo? Një apel për të gjithë sportistët: Herës tjetër që do të udhëtoni në transfertë, kujtoni historinë e ekipit të “FC Bamber Bridge”.
Sikur të mos mjaftonte barazimi i sikletshëm 0-0 në transfertë ndaj Scarborough Athletic, ekipit udhëtues, Bamber Bridge, iu prish autobusi gjatë kthimit për në shtëpi, që ndodhej rreth 217 kilometra larg, për të ngecur në mes të humbësirës. Duke mos patur vend tjetër ku të shkojnë, si dhe me opsionin e një pritje të gjatë për një autobus zëvendësues, stafi teknik, skuadra dhe tifozët e ekipit ishin të detyruar të improvizonin.
Çfarë mund të bënin më të bukur dhe sfiduese në mes të kodrave të Yorkshire, se sa të udhëtonin të hipur në rimorkjon e një traktori? E pra, kjo është ajo që bënë udhëtarët e Bamber Bridge, teksa njëri prej tifozëve, Alan Bateson, ka mbajtur të gjithë të përditësuar, falë postimeve të tij në rrjetet sociale. Madje, tifozi ka shkruar edhe të nesërmen, duke treguar aventurat që zgjatën deri në orët e vona të natës.
Team spirit @BamberBridgeFC unbelievable scenes as coach breaks down and tractor takes us to the nearest pub ??? pic.twitter.com/uycxPEHeTr
— neil crowe (@Crowey68) August 13, 2016
