Partizani bën lojën, Kukësi merr fitoren. Por kronika e një ndeshje në verilindje të vendit nuk përfundon me kaq. Tifozeria e verilindore ka qëlluar me gurë në drejtim të tifozerisë së Partizanit.
Mësohet se gurët vinin nga jashtë stadiumit si dhe nga sektori i tyre. Në këtë gjendje kaosi, tifozeria e Partizanit e ka pasur të pamundur të vetëmbrohet. Dhe si rrjedhojë disa prej tyre kanë marrë plagë serioze në trup.
Sipas informacioneve të para, tifozët janë goditur që në pjesën e parë të lojës, dhe me të ndodhë ky incident, është lajmëruar menjëherë policia që ishte e pranishme në shkallët e stadiumit, por që ka refuzuar të ndërhyjë.
Po nga të njëjtat burime, bëhet me dije se pak minuta më parë gjendja ishte e tensionuar dhe shumë tifozë të Partizanit ishin në vështirësi të madhe për t’u mbrojtur, pasi sulmet me gurë dhe mjete të forta i kërcënonin seriozisht ata.
Me të degjeneruar akoma më tej situata, më në fund, Policia ka ndërhyrë dhe situata kritike e nderë pak çaste më parë, duket se është qetësuar.
Shiko videon:
