Japonia duket se ka investuar shumë në projektet e inteligjencës artificiale. Së fundmi është duke ndërtuar një robot që ecën dhe kontrollohet nga një njeri brenda tij.
Roboti katër metra i lartë u ndërtua në një Insitut studimor në Osaka dhe peshon 300 kg. Ai quhet Hajime dhe u prezantua këtë verë në YouTube, ku paraqitej duke ecur më lëvizje robotike shumë të ngadalta. Megjithatë kompania është ambicioze dhe thotë që do ta rindërtojë Hijame në një model tjetër 18 metra të lartë dhe do ta përmirësojë teknologjinë e tij të lëvizjes për ta bërë të lëvizë më shpejt.
Kontrolli i robotit realizohet me anë të një sistemi të vendosur brenda kraharorit të tij nga ku një njeri i futur në të e drejton si një makinë e zakonshme. Ky është roboti i parë i lëvizshëm dhe me përmasa kaq të mëdha që është ndërtuar në Japoni dhe të gjithë mezi presin ta shohin atë duke lëvizur nëpër qytet.
