Ndërtimet e HEC-eve që po kryhen në lumin Vjosë kanë nxitur kundërshtimin e shumë njerëzve, përfshirë këtu edhe emra të njohur të artit. Ditën e sotme Elina Duni, Eda Zari, Vlashent Sata, Marsela Çibukaj, etj do të bashkohen në një koncert sensibilizues kundër shkatërrimit të kësaj bukurie natyrore. Koncerti sensibilizues “Mos ma prek Vjosën”, do të mbahet sot në orën 19:00 në sheshin “Skënderbej” ku kauza është e qartë.
Kjo nuk është hera e parë që zhvillohet një nismë e tillë. Vitin e kaluar të njëjtët emra u bashkuan kundër ndërtimit të hec-ve në Valbonë. Ndërtimet në natyrë janë një shkatërrim ekologjik me të cilin Shqipëria po përballet shpesh kohët e fundit, he ndaj ftohen të gjithë njerëzit të bashkohen njëzëri kundër shkatërrimeve dhe ndotjes që po i bëhet natyrës së bekuar të Shqipërisë.
