Ndeshja e La Ligas mes Barcelonës dhe Cadizit është ndërprerë pasi njëri prej tifozëve në shkallët e stadiumit Estadio Nuevo Mirandilla është ndjerë keq.
“Ndeshja është ndërprerë për shkak të një urgjence mjekësore me një tifoz në tribuna. Lojtarët po shkojnë në dhomat e zhveshjes”, thuhet në deklaratën zyrtare të klubit në Twitter.
Ndërsa nuk dihet se çfarë ndodhi me tifozin, shqetësimi i lojtarëve dhe tifozëve të pranishëm brenda stadiumit ishte i dukshëm.
Ndeshja u ndërpre rreth minutës së 80-të. Portieri i Cadiz-it, Jeremias Conan Ledesma vrapoi drejt stolit dhe mori defibrilatorin dhe më pas vrapoi sërish drejt tribunës, për t’ia hedhur mjekëve.
Pas një ndalese të gjatë, lojtarëve iu kërkua të largoheshin nga fusha për një afat të pacaktuar. Ndërkohë, Barcelona ishte në avantazh 2-0 kur u ndal loja.
“Ndeshja është pezulluar për rreth 15-20 minuta për shkak të një urgjence mjekësore në tribunë dhe arbitri i ka çuar dy skuadrat jashtë fushës”, tha fillimisht faqja e Barcelonës dhe më vonë konfirmoi se ndeshja u ndal.
Ndeshja filloi sërish dhe u pasua nga dy gola të shpejtë nga Ansu Fati dhe Ousmane Dembele duke i dhënë fitoren Barcelonës me rezultatin 4-0./Opinion.al
