Kjo është Natie, foshnja e parë për vitin 2018. Vogëlushja erdhi në jetë pak sekonda pas mesnatës në maternitetin “Mbretëresha Geraldinë”.
Para kamerave, prindërit e vogëlushes shprehën emocionet dhe uruan të gjithë shqiptarët Vitin e Ri. Ata nuk harruan pa falenderuar edhe mjekët që iu gjetën pranë në një moment kaq të gëzuar.
“Gëzuar të gjithëve, falenderoj shumë edhe mjekët që u treguan shumë të gatshëm. Faleminderit dhe vit i mbarë për të gjithë shqiptarët”,tha nëna e të porsalindurës.
Natie është fëmija e tretë e familjes dhe gëzon shëndet të plotë.
