Piloti spanjoll Marc Marquez, ka pësuar një aksident sot paradite, gjatë sesionit të tretë të provave të lira. Në një kthesë ai frenoi me forcë, duke dalë jashtë piste. Por për fat të keq ai pësoi një dëmtim në shpatull, e cila i doli vendit. Gjithsesi, ishte vetë piloti që gjatë kohës që kthehej në bokse me motor sistemoi dëmtimin në shpatull, që duket se nuk ishte i rëndë.
Pasi mbërriti në bokse ai vendosi një fasho mbrojtëse rreth krahut. Marquez nuk zbriti më në pistë në provat e lira dhe u largua drejt një spitali, 35km larg pistës, për të kryer verifikimet e rastit. Ai pritet të jetë rregullisht në pistë gjatë provave zyrtare, që nisin gjatë pasdites. Në Austri zhvillohet nesër gara e radhës e Botërorit të Moto GP.
Ouch #BTSport #AustrianGP #MotoGP #93 pic.twitter.com/gT0A3LYwnC
— MotoGP and F1 (@MotoGPandF1) August 13, 2016
