Ka qenë një spektakël më vete konferenca e improvizuar e Kryeministrit Rama me gazetarët. Pasi firmosi pro vetingut në çadrën e ngritur nga shoqëria civile , Rama u ktheu përgjigje mediave.
Batutat
Rama: Pyesni me rradhë, mos ma ndërprit fjalën. Të mbaroj unë një herë, se une këtu jam do ju përgjigjem të gjithëve. Mirë mua, po njëri-tjetrin pse nuk e dëgjoni me respekt.
(Gazetarët kanë shumë pyetje, kryesisht nëse do të ketë tryezë me Bashën dhe si do miratohet ligji i vetingut pa PD në Kuvend)
Rama: Tani pyetjet me rradhë. Kush ishte pyetja e pare? Të flasim me radhë, se unë jam këtu për t’ju përgjigjur, por s’jam këtu për të zgjidhur rradhën mes jush.
(Pyetjet vazhdojnë breshëri)
Rama: Kur flisni për mangësi proceduriale, bëni mirë që të lexoni dokumentet. Nuk jam këtu për të shpjegiuar gjëra që si keni lexuar ose i keni lexuar nuk dhe i kuptoni.
Gazetarja: S’ju përgjigjet pyetjes për qeveri teknike
Rama: Unë jam gati të diskutoj çdo gjë, s’jam si pasardhësi im. Opozita ka të drejtën e vet të kërkojë qeveri teknike, apo qeveri inxhnierike, të kërkojë qeveri hidraulike apo energjitike, të kërkojë qeveri astronomike. Jemi gati të ulemi më këdo që paraqitet nga çadra, por bëhet fjalë për dialog, do flasim edhe ne.
(Pyetje të njëkohshme nga gazetarët në vijim)
Rama Sapo ta dhashë përgjigjen, por ti po formuloje pyetjen dhe nuk kishe kohë të dëgjoje përgjigjen.
(Gazetarët: E mbyllët marrëveshjen me koalicionin?)
Rama: Si, ku është problemi? S’e kuptoj pyetjen. Ju keni të drejtën tuaj të konkurroni njëri-tjetrin gazetar me gazetar, televizion me televizion apo portal me portal. Por, edhe unë kam të drejtë të qeveris shqiptarët, me atë që kanë zgjedhur shqiptarët dhe ajo që kanë zgjedhur shqiptarët është ky koalicion. Mungesa e edukatës nuk është argument.
(Gazetari: S’po ofroni asgjë për opozitën?)
Rama: (qesh) Jooo, e keni gabim, ne jemi të gatshëm t’i përgjigjemi çdo kërkese.
Gazetarja: Zoti Rama, opozita është çështje serioze, mos u tallni me opozitën
Rama: Jo unë jam shumë serioz, por po talleni ju me opozitën. Jemi të gatshëm të ulemi në tryezë, ata le të vijnë të flasin për çdo gjë. Por, në tryezë do jemi edhe ne, jo vetëm do dëgjojmë, por edhe do flasim.
