Ky është momenti kur makina tip BMË X6 që do përdorej në atentatin e mbetur në tentativë në Elbasan, u vodh në qytetin e Shkodrës. Ngjarja është regjistruar më 6 shkurt të këtij viti.
Në videon e siguruar nga Tv Klan duket personi që kryen vjedhjen e BMË-së. Ai shkon në vendngjarje me një automjet tip Volksëagen e bardhë, e cila ndalet paralel me automjetin mjetin luksoz. E hap atë me anë të një pulti dhe futet brenda.
Sikurse duket në video autori është i maskuar, ai mban në kokë një kapuç dhe në fytyrë një maskë për të mos u identifikuar.
I duhen vetëm 20 sekonda që ta marrë makinën dhe largohet nga vendngjarja. Së bashku me të ikën dhe makina tip Volksëagen.
Kjo BMË konsiderohet me tepër rëndësi për hetimin, pasi policia po verifikon se kush e kreu vjedhjen e saj e më pas personin që e bleu.
Kujtojmë se në brendësi të këtij automjeti policia gjeti mëngjesin e së dielës 3 armë zjarri kallashnikov e disa bidona benzinë që dyshohet se do përdoreshin për realizimin e një atentati ndaj një personazhi të njohur të botës së krimit në Elbasan.
Për ngjarjen janë arrestuar Arben Spahiu, kunat i Erion Alibej dhe Arsen Preçi, të cilët deri tani kanë refuzuar të flasin.
Erjon Alibej, është vënë nën akuzë nga SPAK si porositës i vrasjes së Emiljano Ramazanit dhe Regis Runajt në 2020.
