Donald Trump, është ish-presidenti i parë në historinë e SHBA që përballet me akuza penale. Ai tashmë ka hyrë në një sallë gjyqi në Nju Jork për t’u gjykuar dhe ku pritet të deklarohet i pafajshëm.
Mediat e huaja kanë publikuar edhe një foto të shkrepur brenda sallës së gjyqit në Manhattan, ku pritet të njoftohet në lidhje me akuzat e ngritura ndaj tij. Pranë ish presidentit amerikan ndodhet edhe ekipi i tij ligjor, Joe Tacopina, Susan Necheles dhe Todd Blanche.
Ndërkaq, ky është momenti kur Trump ndodhet brenda ambienteve të gjykatës.
Detajet për më shumë se 30 akuzat me të cilat ai përballet do të zbulohen kur aktakuza e jurisë së madhe të zbardhet.
Aktakuza rrjedh nga një hetim në lidhje me një pagesë që i është bërë aktores së filmave për të rritur Stormy Daniels gjatë fushatës presidenciale të 2016-ës.
Gjyqi do të zhvillohet pa praninë e mediave, megjithatë, pesë fotografë do të lejohen të bëjnë fotografi të Trump dhe sallës së gjyqit përpara se të fillojë seanca./Opinion.al
