Një shofer ka kapur momentin kur një automjet i vogël rrotullohet në ajër pasi një tornado e fuqishme goditi Palm Beach të Florida-s të shtunën e 29 Prillit.
Nuk dihet nëse pasagjerët e makinës janë lënduar gjatë rrëzimit.
Ndërkaq, sikurse duket në video mbeturinat mbuluan rrugën, ndërsa banorët e Palm Beach të cilët po udhëtonin ishin duke shpresuar që automjetet e tyre të qëndronin fort në tokë.
Tornado goditi gjithashtu një kompleks apartamentesh në Palm Beach Gardens, duke bërë që një grumbullim me katër makina në parking dhe disa makina të tjera të futen brenda njëra-tjetrës.
Ndërtesa pësoi dëmtime minimale, por ishte e mjaftueshme për të ‘tmerruar’ banorët brenda, sipas mediave të huaja.
Një qytetar tha se ai u ul në makinën e tij kur tornado përfshiu vendin, duke pretenduar se ishte “gjëja më e frikshme që kishte përjetuar ndonjëherë”.
Rrugët u bllokuan nga palmat e rrëzuara dhe policia u pa në kryqëzime për të ndihmuar trafikun aty ku u fikën dritat.
Poweroutage.us raporton se rreth 3,300 janë pa energji elektrike në Palm Beach.
