Më 27 qershor të vitit 2018 në një lokal bastesh në rrugën “Aleksandër Moisiu” në Tiranë u plagosën me armë zjarri vëllezërit Rivelino dhe Juxhin Mumajesi.
Ndërkohë, një video e regjistruar nga kamerat e sigurisë së lokalit ku ndodhi ngjarja është publikuar ditën e stome në media. Në këto pamje shihet Santiago Malko, i cili u ekzekutua me 27 gusht të këtij viti, teksa qëllon ndaj vëllezërve Mumajesi dhe Ibrahim Durollarit.
Lidhur me këtë ngjarje policia kishte deklaruar se është duke punuar për identifikimin e autorëve të krimit, ndonëse oficerët e krimeve sekuestruan edhe kamerat e sigurisë së lokalit, që kanë filmuar këto pamje.
https://www.facebook.com/opinioni.al/videos/371370980409673/
Në video shihet Santjago Malko, viti në lokal me armë në dorë duke i bërë atentat dy vëllezërve dhe mikut të tyre.
Malko qëllon ndaj dy vëllezërve dhe mikut të tyre. Për faktin se Mumajesët ishin të paarmatosur, siç dallohet në video, ata kapin karriget dhe i hedhin në drejtim të atentatorëve, në përpjekje për t’iu shpëtuar plumbave.
Por pavarësisht se katoi pamje i dispononte edhe policia, Malko dhe miku i tij nuk u arrestuan për këtë ngjarje. Po ashtu, Malko u përfol më vonë edhe për përfshirje në ngjarjen e 4 tetorit në ish-bllok, ku mbeti i vrarë Fabian Gaxha dhe u plagos Elio Esmerald Hato e biznesmeni Ervis Martinaj.
Në këtë ngjarje, ai rezultoi të mos ishte i implikuar, por në pikëpyetje mbetet se përse policia e la të lëvizte i lirë pas atentatit në lokalin e basteve. Nëse autoritetet do të kishin reaguar në kohë duke e vënë në pranga Malkon, do të ishte parandaluar dhe krimi i rëndë që ndodhi gushtin e këtij viti, ku ish- oficeri i Patrullës u qëllua për vdekje nga dhjetëra plumba.
Dyshohet se Santiago Malko është i përfshirë edhe në krime të tjera të rënda, por gjithmonë ka mundur t’i shpëtojë drejtësisë. Ndërkohë, që implikimi i Malkos në ngjarje kriminale po faktohen me pamje, është detyrë e institucioneve të shpjegojnë përse Malko nuk arrestohej dhe se kush e mbonte atë nga drejtësia./ Opinion.al
