Pamjet e mëposhtme tregojnë momentin e vrasjes së ish-efektivit të Policisë, Xhuliano Prela. Ngjarja e rëndë ka ndodhur në dhjetor të 2020, ndërsa autor i dyshuar është Brinalt Martinaj.
Video e transmetuar në emisionin“Në Shënjestër” tregon se si mjeti i drejtuar nga Brilant Martinaj e konfirmuar edhe në dosjen hetimore, afrohet në një rrugicë dhe parkohet nga ky i fundit. Më pas, shihet se si ai qëllon mbi ish-efektivin Prela, duke e lënë atë të vdekur.
Pamja e plotë bllokohet nga një mjet tip “Trajler”, por ekspertët e policisë, thonë se kanë pasur pamje më të qartë dhe janë të bindur se autori është Brilant Martinaj, aktualisht, ende i shpallur në kërkim nga policia.
26-vjeçari Prela u ekzekutua në orët e para të mëngjesit të datës 5 dhjetor të 2020 me tre plumba teksa po kthehej nga Shkodra për në Tiranë./Opinion.al
