Një incident është regjistruar sot mes një efektivi të policisë dhe gazetares Anila Hoxha, të pranishme në vendin e ngjarjes ku u gjet trupi i pajetë i biznesmenit Ruzhdi Hoxha.
Sikurse shfaqet në pamjet e mëposhtëme efektivi e ka shtyrë gazetaren dhe operatorin që po xhironte pranë shiritit të sigurisë të vendosur nga autoritetet. Gazetarja ka rrezikuar jetën pasi efektivi e ka shtyrë drejt greminës, por është mbajtur tek një degë peme.
Teksa e ndihmojnë kolegët të ngrihet Hoxha thotë: “Më hodhi në humnerë, nuk po bëja asgjë. Po rrinim në shirit. Unë nuk jam person që sulmoj policinë, po rrinim në shirit. Kjo është e llahtarshme. Më hodhi ore”.
Ajo ka paralajmëruar se do të bëjë kallëzim në prokurori në lidhje me këtë incident. “Do të denoncoj dhe do merrem personalisht me ty”, u shpreh e irrituar gazetarja./Opinion.al
