Tensioni nga salla e parlamentit zhvendoset në oborrin e saj. Kryeministri Edi Rama del nga salla dhe takon Tom Doshin, deputetin që legjislaturën e kaluar e përjashtoi nga partia. Më tej vazhdon rrugën me deputete të tjerë të PS. Sakaq dëgjohen deputetet e opozitës që tharrasin në kor: Hajdut! Kriminel! Të njëjtat thirrje që përdorën edhe në seancë plenare. Kryeministri Rama detyrohet të largohet pa mbajtur një fjalim për mediat, që më herët e njoftoi përmes stafit të tij.
Gjithçka ndodhi paraditen e sotme kur opozita kërkoi të ngre në parlamentin shqetësimin për ekstradimin e Nezar Seitit, i dyshuar si anëtar i bandës Habilaj. Sapo Edmond Spaho doli në foltore, Ruçi e ndërpreu duke thënë se “je jashtë rendit të ditës”. Opozita u ngrit në këmbë dhe mbajti të bllokuar foltoren për 3 orë. Gramoz Ruçi drejtoi seancën mes kaosit e zhurmave duke miratuar ligjet që ishin në rendin e ditës, me përjashtim të listës së KLP e KLGJ që kërkon 93 vota dhe u rrëzua edhe kësaj radhe. /Opinion.al
*Në 2 videot më poshtë momenti kur opozita perze Ramen nga oborri i parlamentit
