Janë bërë publike momentet dramatike, kur nëna e 8-vjeçarit, Mateos, është futur në oborrin e shtëpisë së fqinjit vrasës.
Ashtu siç shihet edhe në pamjet e mëposhtme, mamaja e viktimës është futur në oborrin e shtëpisë së 38-vjeçarit, Klodian Çalamanit dhe i drejtohet vendit ku ky i fundit kishte varrosur trupin e të miturit.
E ëma u shpëtoi policëve dhe kaloi rrethimin e kësaj banese dhe shkoi të shikonte vendin ku u gjet i groposur djali i saj.
Më herët Policia e Fierit ka zbardhur edhe dinamikën e plotë të ngjarjes makabre të ndodhur ditën e djeshme në Fier, ku Klodian Çalamani rrëmbeu dhe vrau një fëmijë të mitur 8-vjeçar.
Sipas policisë ka qenë nëna që ka denoncuar humbjen e djalit të saj rreth orës 15:30. Menjëherë më pas autoritetet kanë filluar kërkimin për gjetjen e djalit të mitur.
Mbi bazën e vlerësimit të provave, pas kontrollit në ambientet e banesës së shtetasit Klodian Çalamani, është bërë e mundur gjetja e trupit të pajetë të fëmijës së dyshuar i humbur, i mbuluar me baltë në oborrin e banesës së këtij shtetasi. Çalamani dyshohet se e ka goditur me send të fortë (kazmë) në kokë, fëmijën e mitur dhe më pas e ka groposur atë në oborrin e banesës së tij.
