Pamjet e mësipërme tregojnë momentin kur një nga bosët më të mëdhenj të drogës në Meksikë, José Alfredo Hernández Campos, arratiset nga burgu.
Edhe pse është publikuar së fundmi nga mediat vendase, ngjarja ndodhi më 13 korrik në burgun e Reynosa.
Në pamjet filmike, dallohet momenti kur “El Calamardo” ka kryer një arratisje si në filma, me grupin e tij të veshur si policë. Ata kanë qenë të armatosur dhe nuk kanë hasur aspak rezistencë.
Në video duket që policia lokale nuk bën thuajse fare rezistencë. Njëri prej efektivëve hap derën e qelisë ku ndodhej Campos, i cili largohet i pashqetësuar.
Sipas mediave të huaja katër persona që ndihmuan në arratisjen e José Alfredo Hernández kanë qenë pjestarë të forcave speciale të Marinës Meksikane.
