Pamjet e mëposhtme tregojnë momentin e sulmit në një lokal natë të komunitetit LGBT në Oslo të Norvegjisë. Sulmi terrorizoi vendin nordik mbrëmjen e kaluar. Në video duket se autori i armatosur hyn brenda dhe me breshëri qëllon drejt personave brenda.
Po ashtu pamjet tregojnë turmat e njerëzve që dalin me vrap të frikësuar nga ambienti i lokalit ku po qëndronin, pas të shtënave.
Të shtënat filluan rreth orës 01:15 me orën lokale të së shtunës (23:15 GMT të premten), thanë zyrtarët.
Sulmuesi, një 42-vjeçar u arrestua nga oficerët e policisë – të cilët u ndihmuan nga kalimtarët e rastit – disa minuta më vonë. Në vendngjarje u gjetën nga policia dy armë, njëra prej tyre automatike.
Autoritetet më vonë thanë se i dyshuari ishte një shtetas norvegjez./Opinion.al
