Një ditë më parë Fatmir Avdillari humbi jetën në një aksident të ndodhur në bulevardin ‘Migjeni’ në Yzberish.
Lidhur me ngjarjen janë publikuar pamjet nga momenti i aksidentit, ku shihet se si Avdillari i cili ishte duke udhëtuar me motor tip Suzuki përplaset me makinën tip “Toyota Yaris”.
Më pas motori u përplas me një mjet tip ‘Benz’ të parkuar, ndërsa trupi i Avdillarit u përplas mbi xhamin e parë të një makine ‘Opel’, ku si pasojë humbi jetën.
Aktualisht Policia e Tiranës ka vënë në pranga 39 vjeçaren e cila u përfshirë në një aksident me pasojë vdekjen e Fatmir Avdillarit.
Fatmir Avdillari njihet ndryshe si “Xubi i Yzberishtit” ka qenë edhe subjekt i OFL. Ndërsa po ashtu njihej si ish-anëtar i bandës së Yzberishtit në vitet ’97-’98, ku bashkanëtarë kanë qenë edhe dy vëllezërit e tij, Nazmiu dhe Iliri.
