Një video e bërë publike nga Administrata Rajonale e Zonave te Mbrojtura Fier, tregon momentin e çeljes së vezëve në një fole breshke të llojit Caretta Caretta.
Duke njoftuar çeljen e 61 breshkave të vogla, AdZM Fier, thekson rëndësinë e bregdetit të Divjakës në folezimin e kësaj specieje.
Postimi i plotë
Këto ditë Administrata Rajonale e Zonave te Mbrojtura Fier ka qenë dëshmitare e një prej dukurive më spektakolare të jetës së egër. Pas monitorimeve pa fund dhe netëve te gjata pa gjumë, në mesnatën 8-9 gusht stafi ishte i pranishëm në celjen e vezëve të një foleje breshke e llojit Caretta Caretta. Çelja zakonisht zgjat për disa ditë. Për këtë fole mbrëmë ishte nata e tretë dhe deri tani kanë dalë 61 breshka të vogla. Këto dite ata patën mbështetjen edhe të shumë dashamirësve të natyrës. Pranë folesë u mblodhën turistë të huaj, banorë vendas dhe aktivistë mjedisorë, të cilët sipas një grafiku bënë monitorimin e folesë 24 orë.
Edhe një herë tjetër konfirmohet rëndësia e bregdetit të Divjakës, për folezimin e kësaj specieje.
Administrata Rajonale e Zonave te Mbrojtura Fier
AKZM Agjencia Kombëtare e Zonave të Mbrojtura
Ministria e Turizmit dhe Mjedisit
