Pamjet e mësipërme janë marrë nga kamerat e sigurisë në vendin ku ka ndodhur përplasja fizike mes ish-deputetit të PD-së, Luçiano Boçi me biznesmenin Gjergj Luca ditën e djeshme në një lokal në Labinot të Elbasanit.
Në video shfaqen disa persona që kanë ndërhyrë dhe përpiqen që tëmbajnë biznesmenin Luca, ndërkohë që Boçi shihet i vetëm disa metra përballë tij.
Ish-deputeti demokrat menjëherë pas ngjarjes në një deklaratë për mediat tregoi shenjat e dhunës në fytyrë dhe akuzoi se biznesmeni e kërcënoi me jetë “më tha do të mbush barkun me plumba”.
Ndërkohë biznesmeni Luca pretendon se sherrin e nisi Boçi i cili i ka shkuar pranë biznesit të tij dhe ka provokuar disa herë. Biznesmeni gjithashtu e akuzon Boçin se i ka vjedhur telefonin, që i ra në tokë gjatë përplasjes.
Prokuroria ka nisur hetimet për rastin pas denoncimeve që ka marrë nga të dy palët duke shoqëruar disa nga personat që ishin prezent në momentin e konfliktit fizik mes Boçit dhe Lucës./Opinion.al
