Momenti i arrestimit të komandatit të repartit ushtarak, që shpërndante lëndë narkotike në zonën e Varrit të Bamit është publikuar në një video në FB, nga policia e shtetit.
Në aksionin e kodouar “Last Service” policia ka ndaluar shtetasit Drilon Shqau, 31 vjeç, banues në Tiranë, (me detyrë komandant skuadre në Repartin Ushtarak Pezë Helmës dhe Vehbi Teqja, 48 vjeç, banues në Tiranë, (ish punonjës policie).
Ndaj këtyre shtetasve disponoheshin informacione se shpërndanin lëndë narkotike të llojit Kokainë, në zonën e njohur si “Vorri i Bomit”. Pas organizimit të shërbimeve policore është bërë e mundur kapja e këtyre shtetasve në flagrancë dhe sekuestrimi në cilësinë e provës materiale të 301 gramë lëndë e dyshuar e llojt Kokainë, 1 automjet i tipit Mercedes Benz, si dhe 4 aparate celulare të markave të ndryshme.
