Momentet prekëse, kur ekipet e shpëtimit nxjerrin dy fëmijë nga rrënojat e tërmetit shkatërrimtar që goditi Haitin janë bërë virale në rrjete.
Sikurse shfaqet edhe në pamje, pasi ata shpëtohen përqafohen të lumtur me babain e tyre.
Të paktën 304 persona mbetën të vdekur dhe më shumë se 1,800 persona të plagosur.
Ndërkohë, kërkimet për nxjerrjen e trupave vazhdojnë ende ndërsa pamjet që qarkullojnë në mediat e huaja tregojnë qytete e fshatra të rrafshuara.
Tërmeti goditi perëndimin e vendit të Shtunën në mëngjes, duke rrëzuar dhe dëmtuar ndërtesat, përfshirë kishat dhe hotelet. Epiqendra e tërmetit ishte rreth 12 km (7.5 milje) nga qyteti Saint-Louis du Sud, tha Shërbimi Gjeologjik Amerikan (USGS).
Kryeministri tha se kishte “dëme të mëdha” dhe shpalli gjendjen e jashtëzakonshme për një muaj.
